Choir sa Mandaue City School for the Art nahibalik na

Nahibalik na sa Sugbo ang pundok sa kabataan nga mga tinun-an sa Mandaue City School for the Art nga mipahigayon sa ilang first international concert sa nagkadaiyang dapit sa nasud sa Amerika.

Ang maong mga bata nga gilangkuban sa 39 ka mga dancers ug singers nga nagpanuigon og 10 ngadto sa 14 anyos ang nakadawat kaayo og mga pagdayeg sa mga Pilipino ug mga Amerikano nga misaksi sa ilang konsiyerto nga gihimo.

Ang mga dapit nga ilang gihimoan og konsiyerto mao ang naglakip sa Fort Collins ug Denver sa Colorado, Salt Lake City sa Utah ug Los Angeles.

Ang maong mga bata ug mga magtutudlo nga kuyog sa maong konsyerto ang nakigtagbo kang Mayor Thadeo Ouano ug mapasalamaton kaayo niini.

Ang choir conductor sa maong mga bata nga si Dennis Gregory nga gikahinabi mipadayag sa iyang pagdayeg sa maong pundok sa mga bata sanglit gipakita ang paghiusa ug pagka propesyonal sa usag usa kanila.

Dugang pa niya nga ang konsiyerto nga nagsugod sa Marso 31 ug hangtod sa pagtapos niini sa Abril 23 ilang nadawat ang mga pagdayeg gikan sa mga nanan-aw sa maong nasud.