Kini ang gikonpirmar ni SPO2 Rizalino Aligno sa Liloan Police Station nga nahinabi sa Banat News.
Matud pa ni SPO2 Aligno nga ang patay'ng lawas ni Rodolfo Samillana, kapitan sa barkong M/V Michael I, sa Michael shipping Lines nga tulo na ka adlaw nga wala igkita human matikyaob ang bote nga ilang gisakyan niadtong Abril 19 sa gabii samtang padulong kini sa naasoy'ng barko nga nakabaradero sa kadagatan sa Liloan.
Usa sa mga sakop sa Michael Shipyard maoy nakakita sa ilawom sa kadagatan sa maong dapit hinungdan nga ila kining gikuha sa dapit diin malunod ang bote.
Padulong na sa pagkadugta ang lawas ni Samillana sa dihang ila kining giugkat mga alas 6:25 kagahapon sa buntag.
Gikalipay usab sa mga sakop sa Philippine Coast Guard, Martime Police ug sa mga mananagat gumikan kay napalgan na gyud ang tulo ka mga lawas sa nangawagtang atol sa maong trahedya.
Bisan pa sa nahitabo, ang kabanay sa mga nangamatay mapasalamaton usab sa pasensiya nga gihimo sa mga rescuers gumikan sa pagpangita sa mga lawas sa ilang mga kabanay nga nakalas sa maong trahedya.
Kahinumdoman nga unang nakita si Benjie Bualala, ang quartermaster, gisundan ni Romeo Sangkap, ang radioman ug kagahapon napalgan mao si Rodolfo "Rudy" Samillana ang kapitan sa M/V Michael I.