Ang gipasanginlang nilugos sa iyang anak mao si Isidro (tinuod ngalan gipugngan) 27 anyos, molupyo sa usa sa mga barangay sa Argao kinsa gipasanginlan sa iyang kaugalingong 13 anyos nga anak nga maoy gipasanginlang milugos kaniya.
Sa imbestigasyon ni PO2 Vivian Tamayo mitumaw nga niadto pang Enero ning tuiga gisugdan og lugos sa suspek ang iyang anak nga tinun-an sa high school.
Matud pa sa bata nga niadtong Biyernes Santo siya ulahing gilugos sa iyang amahan hinungdan nga iya kining gitug-an sa iyang inahan human midangop sa kapolisan ang biktima ug giimbitar ang suspek diha sa ilang buhatan diin positibong gitumbok sa biktima nga mao kini ang milugos kaniya.
Sa laing bahin, usa ka Indian national nga tigpautang ang gidakop sa inahan sa usa ka 12 anyos nga dalagita diha sa Calamba, ning dakbayan niadtong Miyerkules sa hapon .
Si Lehmber Singh,42, minyo nga taga barangay Labangon ning dakbayan naghinol na karon sa bugnaw nga kabilya sa karsel sa kapolisan human siya dakpa sa inahan sa biktima inabagan sa mga sakop sa Mobile Patrol Group 238 niadtong Miyerkules sa hapon.
Sumala pa sa imbestigasyon sa kapolisan ang suspek naningil sa nautang sa pamilya sa biktima apan samtang nagpaabot sa bayad nakit-an kining mihinol sa dughan ug sampot sa bata.
Nagtingkagol usab karon sa bilanggoan ang usa ka batan-ong si Jamelito Escabas Cuizon human kini gidakop sa inahan sa 11 anyos nga dalagita(ngan gipugngan) niadtong Miyerkules sa kaadlawon diha sa Sawang-Calero ning dakbayan.
Ang suspek giingong nadakpang mi-finger sa biktima samtang ang naulahi natulog diha sa iyang lawak, wala kaugpo ang suspek dihang siya gidakop sa inahan sa bata ug gipatanggong karon sa karsel sa kapolisan.