Pagsupak sa "Signature drive" gihikling una sa Kapitolyo

Gipadaplin kagahapon sa provincial board ang pag-aproba sa resolusyon nga nagsupak sa signature drive nga magsuporta sa pag-amendar sa konstitusyon.

Ang mga magbabalaod wala pay tataw nga baroganan kabahin sa pag-amendar sa konstitusyon.

Si Bokal Victor Maambong kinsa nangamahan sa maong resolusyon nagkanayon kagahapon nga gipadaplin una ang maong resolusyon tungod kay ang iyang mga kauban nagdali kini para motambong sa lubong kagahapon ni kanhi Mayor Ferdinand Chiong sa Naga.

Apan gibutyag ni Maambong nga maayo ang ilang diskusyon caucus kabahin sa maong resolusyon tungod kay ang iyang mga kauban mihatag og mga giya ug susama ra silang tanan og argumento.

Ang nahisgutang resolusyon nagsupak sa signature drive nga magsuporta unta sa pag-amendar sa konstitusyon.

Ang resolusyon nagkanayon nga walay balaod nga naghatag pagtugot sa pag-amendar sa konstitusyon sa pagkakaron.