Si CIDG-7 chief, Jeorge Corpuz sa pakighinabi sa mga tigbalita mitug-an nga nakadawat na siya og kamandoan gikan kang PNP chief Arturo Lomibao aron maoy mamahimong lead agency sa Anti-Illegal Gambling Task Force uban usab sa pakig-alayon sa lokal nga kapolisan.
Katuyoan sa grupo mao ang pagpuo sa tanang matang sa sugal gikan sa barangay level ngadto na sa lalawigan aron mapakita ang seryosong kampanya sa gobiyerno batok sa iligal nga sugal.
Sumala pa ni Corpuz kung ang lokal nga kapolisan mihimo sa ilang trabaho batok sa sugal dili sila manghilabot gani ila pa kining ikalipay apan kung sukwahi, ila kining rondahon ug iemplimentar ang 'three strike policy.'
Sa pagkakaron ang Cebu City maoy ilang gitutukan pag-ayo gumikan sa taho nga daghang mga iligal nga sugal dinhi, wala usab mabalaka si Corpuz kung dunay mga police, local officials nga protektor ang mga operators.