Ang namatay mao si Filomino Pepito, minyo, nagpuyo sa naasoy'ng lugar nakaangkon og samad pinusilan sa tuong bahin sa iyang ulo ubos sa dalunggab agi sa .38 nga kalibre sa armas nga maoy gigamit pagpusil ngadto kaniya hinungdan sa iyang kamatayon.
Sa gihimong imbestigasyon ni SPO4 Felix Latera sa Consolacion Police Station nasayran nga sayo sa kagabhion nagsugal og hantak diha sa giabandonar nga Rattan Furniture nga gipanag-iya sa ginganlan og Robin Ybale ang biktima uban sa laing mga sugarol hangtod nga milanat og pipila ka oras ilang hantak.
Si PO1 Julius Patag, desk officer-in-charge sa Consolacion Police Station nga nahinabi kagahapon sa hapon sa Banat News mitug-an nga posible nga pildero na ang wala mailhing tawo ug namusil hinoon sa biktima.
Ang Scene of the Crime Operatives nakakuha og .22 nga kalibre, unom ka buhing bala nga giluklok sa iyang kilid sa biktima. Apan wala isalikway sa kapolisan ang laing motibo kun wala bay kontra, panagbangi sa laing tawo nga miresulta sa panagdumot hangtod karon padayon pang gawasnon ang wala mailhing tawo.
Samtang sa laing bahin gidunggab ang usa ka lalaki samtang kini naglingkod uban sa duha niya ka mga kauban kilid sa barangay hall sa Tayud ala 1:30 niadtong Sabado sa hapon.
Ang biktima giila mao si Vic Michael Tarosa, 22, ulitawo nagpuyo sa East Binabag, Tayud, samtang ang gitumbok nga midunggab sa biktima ginganlan og Teode hingkod ang panuigon nga taga Sitio Simboryo, Liloan.
Nasayran nga ang biktima naglingkod kilid sa barangay hall uban sa iyang mga higala kalit lang giduol si Tarosa ni Teode ug gidunggab ka usa ka higayon.
Si Tarosa maayong pagkaigo sa tuong bahin sa iyang tiyan hinungdan nga nalandig kini sa Vicente Sotto Memorial Medical Center, ang suspetsado padayon pa karon gipangita sa mga awtoridad human kini misibat sa maong dapit.