Ang mga biktima milandig sa tambalanan giilang sila si Jonjon Illustrisimo, 16, taga barangay Pooc sa nahisgutang lungsod ug Rene Escaran, 14, nga taga barangay Balidbid sa samang lungsod.
Giila ang suspek mao si Warren Pescante sumala pa sa gitug-an sa iya rang mga kaubanan sa Tres Squadron Gang nga gidakop usab sa kapolisan human sa insidente.
Ang gipangdakop nga kaubanan sa suspek mao sila si Anastacio Capos, 28, taga Mohon, Bantayan; Roger Anciano, 20, taga Balidbid sa samang lungsod, Jhonrey Alojacin, 19, taga Sitio Magay, Balidbid sa Sta.Fe ug Ronron Umabao, 21, nga taga Mojon, Bantayan.
Ang mga sakop sa Sta.Fe police station nga sila si PO3 Alejandro Negrido , PO2 Eleah Jumawan ug PO2 Larry Illustrisimo maong misuway og dakop sa suspek apan nakaikyas kini.
Ang mga kauban sa suspek nga niadtong tungura nag-inom maoy gidakop ug giimbestigar sa kapolisan.
Wala pa matino kun unsay gibuhat sa mga biktima ngadto sa suspek sanglit ang duha nangalandig man sa tambalanan.
Si Illustrisimo napusilan diha sa walang bahin sa dughan nga milapos ngadto sa may bugan ni Escaran.