Nahitabo ang pagpanunggab sa mga biktima ala una pasado ang takna sa miaging gabii sa dalan C.D. Seno, barangay Tipolo, siyudad sa Mandaue.
Ang biktima mao si Michael Obienza, 27 anyos, ulitawo nga nagpuyo sa Highway Seno, Tipolo ug pag-umangkon ni Supt. Anthony Obenza, hepe sa San Nicolas Police Station sa CCPO.
Ang kuyog nga si Guilbert Ybañez, 22 anyos, ulitawo nga silingan niini sa maong dapit gidala usab sa tambalanan tungod usab sa naangkong samad sa bukton.
Nanunggab sa duha mao si Erhuztlyr Figura, hingkod ang panuigon, ulitawo ug lumad nga taga Zamboanga del Sur ug nagpuyo usab sa nahisgotang dapit
Ang suspetsado nga nadakpan sa follow-up operation sa kapolisan ang nakuhaan og kutsilyo ug usa ka pugakhang.
Si SPO1 Antolin Montecalvo, imbestigador sa Presinto 2 sa Subangdaku nga gikahinabi sa Banat News miingon nga naglakaw lang pauli ang mga biktima.
Matud pa niya nga gipareglahan lang ang mga biktima sa suspetsado sanglit igo ra man silang milabay sa maong lugar.
Ang suspetsado kinsa nagtingkagol karon sa sulod sa bilanggoan ang gipasakaan og kaso nga murder ug frustrated murder.