Ang duha giilang sila si Alvin Brigoli, 14, ug Ryan Traya, 16, pulos molupyo sa barangay Langtawan lungsod sa San Fernandor kinsa sukad pa niadtong Domingo nangawagtang samtang nakigpangaligo uban sa ilang mga higala diha sa nahisgutang dam.
Ang mga mananagat nga sila si Denciong Barong ug Apolinario Repurmado maoy nakakaplag sa mga biktima diha sa ilawom nga una nang gisubay sa mga sakop sa Philippine Air Force ug Naga Rescue Unit.
Sumala pa ni SPO1 Jonas Pananganan sa pakighinabi sa Banat News nga posibleng dili makamaong molangoy ang duha hinungdan nga nahitabo ang aksidente. Giingong duna pa untay misuway og tabang sa duha nga ilang kauban niadtong tungura apan naulahi ang tanan gumikan sa kapaspas sa panghitabo.