Laing suspek sa 'Cop murder' nasikop

Nasikop kagahapon sa udto ang laing suspetsado sa pagpatay ni SPO2 Teofanes Castro sa kapolisan sa Talisay diha sa Barangay Lagtang.

Ang nasikop mao si Ismael Secretaria alyas "Jun Jun Kimpang" kinsa usa sa gitumbok usab sa mga testigos nga may kalambigitan sa nahisgutang inisdente.

Niadtong Dominggo sa gabii si John Iris Daan ang unang nasikop sa kapolisan sa Talisay diha sa Sityo Laray Barangay San Roque.

Si Daan mipasangil ni Secretaria nga maoy mipusil patay ni Castro apan siya maoy giduot niini.

Sa milabayng adlaw si Police Superintendent Audie Villacin hepe sa kapolisan sa Talisay mibutyag nga si Daan usa sa gitumbok sa mga testigos sa insidente.

Gitataw ni Villacin nga tulis ang motibo sa mga suspetsado tungod kay gikuha niini ang pitaka, cellphone ug ang service firearms ni Casrtro ug giukay pa sa mga suspetsado ang sakyanan sa biktima una kini mibiya.

Ang mga suspetsado mag-atubang og kasong robbery with homicide ug ipasaka kini niining semanahan dihas a fiscal's office sa dakbayan.