Kini pagahimuon karong umaabot Marso 17 niining tuiga sa alas 10 ang takna sa covered court sa nahisgotang lungsod nga pagasugdan pinaagi sa usa ka programa nga pagahimoon.
Ang kanhi presidente sa nasud nga si Presidente Ramon Magsaysay namatay human mahagsa ang giluwanan niining abyon sa Mt. Manunggal nga nahimutang sa bukirang bahin sa maong lungsod nga nahitabo niadtong Marso 17, 1957.
Si Mayor Alex Binghay maoy mangulo sa mga opisyal sa lungsod sa pagpasiugda sa maong kalihukan nga ubanan usab sa mga konsehal ug mga barangay official.
Ang programa nga magsugod alas 10 ang takna sa buntag ang pagatambongan sa mga pinasidunggang dinapit nga bisita sa pagtambong.
Naglakip niini kang Gobernador Gwendolyn Garcia kinsa nakighiusa sa maong kasaulogan ang mohatag usab sa iyang pagpamulong atol sa maong kalihukan.
Kahinumdoman nga 49 na ka tuig ang nakalabay human mahitabo nga nahagsa ang abyon nga giluwanan ni Magsaysay nga mikalas sa iyang kinabuhi uban sa mga dagkong opisyal sa nasud nga kuyog niini sa pag-anhi sa Sugbo.