Anti-rabbies nga kampanya gilusad

Mga 80 ka iro ang nabakunahan sa milabay'ng adlaw sa gipahigayong pagpamakuna sa mga sakop sa veterinarian sa dakbayan sa Talisay diha sa duha ka barangay sa siyudad.

Tungod sa pagsaulog sa anti-rabies month ang Talisay City Veterinarian mipahigayon og libreng pamakuna sa mga iro sa dakbayan.

Ang maong mga grupo unang mibisita sa Barangay Cansojong ug Dumlog ug nakabakuna kini sa nahisgutang gidaghanon sa iro.

Si Erma Abarquez, pound keeper nagkanayon nga tibook barangay sa Talisay ang ilang bisitahon para mamakuna sa mga iro.

Gibutyag ni Abarquez nga ang dakbayan kuwang og vaccine apan ang province mihatag og suporta kanila para mapadayon ang maong programa.

Ang mga tag-iya og mga iro diha sa dakbayan pwede usab nga anha magpabakuna sa ilang mga iro sa buhatan sa veterinarian apan kinahanglan nga motawag una sila usa moduaw sa buhatan tungod kay limitado ang stocks sa vaccine.

Si Abarquez midungag nga temporaryo nilang nahunong ang pag-impound sa mga iro sulod sa duha ka semana tungod kay naguba ang ilang sakyanan.