Ang ilang pahimangno ngadto sa mga lumolupyo sa dakbayan ang natigayon human usab sa duha ka sunog sa Upper Labogon ug Marfa sa Bakilid.
Ang pahimangno nga giluwatan ni City Fire Marshall Oscar Mayol ngadto sa tanang lumolupyo sa pagpawong kanunay sa kuryente ug sa dili pagsobra og gamit niini.
Si SFO4 Jose Laureto nga maoy imbestigador sa maong mga sunog nga nahitabo sa Upper Labogon ilang nasuta nga 'faulty electrical wiring' ang nakaingon sa kalit nga pag-ulbo sa kalayo.
Samtang mao usab ang nahitabo sa sitio Marfa sa barangay Casuntingan niadtong miaging hapon nga upat gayod ang naugdaw ug usa niini ang gisugdan na sa kalayo.
Matud pa ni Laureto nga panimalay ni Anecita Bontia ug sa manghod niining si Rosalina maoy naugdaw samtang ang panimalay ni Severinio Racuma nalakip usab sa pagkaugdaw.
Samtang gisugdan na usab sa pagkaon ang panimalay nga nahimutang sa sikbit nga gipanag-iya ni Carmelo Samontana nga gisugdan na usab unta sa paglamoy sa kalayo apan suwerte kay napawong sa mga bombero.
Matud pa ni SPO4 Laureto nga ang maong sunog nagbilin og danyos nga mokabat sa P200 mil ang kantidad.