Tungod sa maong insidente nahugyaw ang mga tawo nga nagsayaw diha sulod sa diskohan ug naglumba sa pagpanagan pahilayo sa lugar ug wala na mamalik aron motiwas sa kalingawan.
Nakaangkon og mga bun-og sa lawas si Silvestre Cañeda human kini tabangi og kulata nila ni Patricio, Eliong ug Osting Lastimoda mga residente usab sa maong barangay kinsa daling miikyas human sa hitabo.
Si PO2 Leandro Azarcon kinsa maoy miimbestigar sa nahisgutang insidente nagkanayon nga ang tulo ka magsuon hubog gustong mosulod sa diskohan nga walay tiket apan wala tugoti ni Cañeda hinungdan nga nangasuko kini.
Gipatiran ni Osting ang tiyan ni Cañeda og misunod sa pagkulata ang duha ka igsoon niini sa biktima.
Si Azarcon midungag nga ang mga tanod sa Pooc maoy sponsor sa nahisgutang disko.