PROC. NO. 1017 'Kadaugan' sa mga elementong anti-Arroyo?

Kadaugan sa mga cause oriented ug mga militanteng pundok ang pagproklamar ni Presidente Gloria Arroyo sa State of National Emergency.

Kini maoy panahom ni Ms. Carmen Oppulencia, usa ka political scientist nga Sugbuanon.

Matud pa ni Ms. Oppulencia ang maong proklamasyon ni Presidente Arroyo "bunga na sa pagsinggit-singgit sa kadalanan..." sa mga anti-Arroyo elements.

"Busa naka-score kining maong mga militanteng grupo," mipuno si Ms. Oppulencia.

Mipatin-aw ang political scientist nga kining mga elementong kontra ni Arroyo - apil na niini ang komunista ug extremist political opposition maoy gustong magkagubot ang nasud kun dili ra man nila mapa-resign si Arroyo.

"The more gubot the nasud, the happier they will be," matud pa ni Ms. Oppulencia nga misuway sa Eng-lis nga sinultian. "Duna silay feeling of fulfillment."

Matud niya kun dili na man lang nila mailog ang gahom, ila nalang gubton bahala nag masukamod ang atong ekonomiya.

Giproklamar ni Presidente Arroyo ang State of National Emergency ubos sa Proclamation 1017 human mapakgang sa militar ug kapolisan didto sa kaulohan ang kudeta kun pagsuway sa pag-ilog sa gahom ni Mrs. Arroyo.