Graft-investigator wa pasayloa sa isnatser

Usa ka anti-graft investigator sa Philippine Anti-Graft Commission ang wala pasayloa sa mga isnatser nga magsakay og motorsiklo kagahapon sa kaadlawon diha sa Salinas drive, Barangay Lahug ning dakbayan.

Ang biktima giilang si Cecelia Tagufa Panghulan,34, molupyo sa Green St. Greenville Subdivision, Tandang Sora, Quezon City kinsa naglakaw uban sa mga kaubanan nga si Heide Mendoza sa Commission on Audit ug mga kawani sa Ombudsman - Manila dihang kalit nga gisakdapan sa usa ka motorsiklong may sakay nga duha ka wala mailhing mga lalaki.

Matud pa sa imbestigasyon sa Theft and Robbery Section padulong na unta pauli ang grupo diha sa usa ka hotel dihang nahitabo ang pagpanglabni sa iyang bag nga may sulod nga cash nga P3,500, plane ticket, mga personal nga dokumentos, cellphone nga 3210 ug wallet nga may sulod nga P1,000.

Ang grupo sa Mabolo Police station nga miresponde pinanguluhan ni SPO1 Elmer Tanjay daling mihimo og hot pursuit operation apan wala kini molampos.