Babaye nahu'g sa skywalk

Usa ka 40 anyos nga babaye ang nahulog sa usa ka skywalk nga nagkuros sa Osmeña Blvd. ning dakbayan adtong miaging sayo sa buntag.

Ang babaye kinsa nagpaila lamang nga usa ka church worker (pangalan gipugngan sumala sa hangyo sa biktima), nagkanaug sa hagdanan sa skywalk dihang iyang natumban ang hugaw sa tawo nga natabunan og papel.

"Sa tunga-tunga pa ko sa hagdanan dihang nahitabo kanako ang aksidente," suma pa sa biktima, kinsa mipasalamat sa Kahitas-an nga gawas sa gamay'ng pangus ug baho kaayong hugaw nga nitapot sa iyang sinina, wala siya makaangkon og mga bali sa kabukugan.

Suma pa niining biktima gikan pa siya sa simbahan diin miasister siya sa mga hilikayon usa pa ang Misa dihang nidesider siya sa pag-hike pauli sa ilang balay sa Visitacion St. human sa misa.

Ang Banat News nakadawat nag daghan reklamo bahin sa kahugaw sa mga skywalk ug kining report sa usa ka babaye nga nadakin-as sa hugaw sa tawo ikaduha na kini nga taho nga atong nadawat.