Apan ang mga sakop sa Crime Suppression Unit nakahimo sa pagsikop sa maong babaye nga si Maryjane (apelyedo gipugngan) lumad nga taga Minglanilla ug kasamtangang nag-abang sa usa ka panimalay sa nahisgutang barangay.
Ang maong babaye giingong mikatkat sa atop sa kabalayan ug nagbalhin-balhin og layat sa mga sikbit nga balay hangtud sa luyong bahin sa balay ni Lorega-San Miguel barangay Kapitan Fortunato Parawan kinsa nakakuha pa mismo ang kapitan og mga hulagway sa panghitabo.
Ang mga sakop sa CSU car 506 nga si PO2 Dindo Lumapak inubanan sa mga sakop sa barangay tanod maoy nakigginukuray sa babaye diha sa atop hangtud nga nadakpan kini ug napakanaog.
Gituohang nalisuan kini sa pangisip ug giturn-over ngadto kang Henry Go sa psychiatric ward sa Vicente Sotto Memorial Medical Center alang sa paghatag og tukmang atensyon.
Giingong dunay suod nga higalang polis ang maong babaye diha sa maong lugar nga maoy iyang kanunay'ng bisitahon apan gitino pa kung unsay nakaingon sa insidente.