RVAT kasulbad sa krisis - Tsinoy

Malaumon ang mga negosyanteng Intsik nga makasulbad sa krisis sa ekonomiya sa nasud ang pagpatuman sa Reformed Value-Added Tax.

Kini ang gipahayag sa presidenti sa Federation of Filipino-Chinese Chamber of Commerce and Industry, Francis Chua.

Gani gihangop sa FFCCCI ang pagpatuman pa gyud og dugang dos porsiyentong usbaw sa RVAT niadtong miaging adlaw.

Matud pa ni Chua nga ang maong lakang nagpakita sa kamatinud-anon ni Presidenti Gloria Macapagal Arroyo sa pagpatuman og mga lakang nga makaayo sa ekonomiya sa nasud.

Gipasabot ni Chua nga ang makabenepisyo sa malungtarong kaayuhan mao ra ang katawhang Pilipinhon gikan sa gamayng pag-antus sa pagkakaron.

"Fund managers will give President Arroyo the vote of confidence and this was shown by increase in share prices due to optimism that VAT will solve government fiscal problem," nagkanayun si Chua.