Tapul brgy kapitan mireklamo sa baho

Miduso og reklamo diha sa buhatan sa Ecological Solid Waste Management Board (ESWMB) sa dakbayan sa Talisay ang Barangay kapitan sa Tapul kabahin sa nagtulo nga duga sa basura nga gikarga sa garbage truck diha sa karsada sa ilang lugar nga baho kaayo.

Si Jose Juarez kapitan sa maong barangay nagkanayon nga wala mapatuman sa dakbayan ang Akta Republika 9003 'an act of providing an ecological solid waste management program".

Matud pa ni Juarez nga ang duga sa basura diha sa karsada nakahatag usab og peligro sa mga residente sa lugar ilabi na sa mga motorista tungod kay naghatag kini og kadangog sa karsada diin ang mga molabay lagmit malamba.

Si Juarez mimando sa mga opisyal sa ESWMB nga butangan og neutralizer ang trak nga kargahan og basura para dili mag-antos og hingos sa kabaho sa basura ang mga residente sa lugar.

Kahinumduman nga niadtong Disyembre 25, 2005 ang landfill sa Tapul gibuksan samtang padayon pa ang konstraksiyon niini.