'Kawatan' og metrohan nasugatan sa polis

Mokabat sa 17 ka metrohan sa tubig sa Metro Cebu Water District (MCWD) nasakmit sa kapolisan gikan sa usa ka tawo nga nadakpan ug sa junkshop nga tigpalit niini.

Si Melvin Delima, 25 anyos, ulitawo, minyo nga taga sitio Ilog sa barangay Opao sa maong siyudad maoy unang nadakpan sa miaging gabii.

Didto madakpi ang suspetsado sa dalan Plaridel sa barangay Alang-Alang nga nagtangtang sa metrohan sa MCWD.

Si SPO1 Pedro Sucion ug PO2 Rosendo Cabrera nga nagpahigayon sa ilang pagpatrolya ang nahiagi sa maong dapit dihang ilang nasigpatan ang suspetsado.

Gisukitsukit nila ni SPO1 Sucion ug PO2 Cabrera ang suspetsado ug maoy gitug-an ang junkshop sa barangay Umapad sa maong siyudad nga gipanag-iya ni Casiano Montero, 36 anyos, minyo nga lumad nga taga Agusan del Norte.

Gikatakdang pasakaan og kaso si Delima sa tagdumala sa MCWD ug malakip usab si Montero nga maoy tigpalit sa mga kinawat nga metrohan sa MCWD.