19.39 gramos ra sa 2005

Nasakmit sa kapolisan sa dakbayan sa Mandaue ang mokabat sa 19.39 gramo nga gibug-aton sa shabu sa buy bust operation ug mga pagpangronda nga ilang gihimo.

Kining maong gidaghanon sa shabu maoy nahipos sa kapolisan sa maong dakbayan sa mokabat 108 nilang operayon nga gihimo sa tuig 2005.

Dugang nga nasakmit sa kapolisan sa maong dakbayan mao ang 104 ka linikit sa pinaugang dahon sa marijuana nga nalakip usab sa mga ebidensiya sa kasong gipasaka sa kapolisan.

Si Roberto Juanico, direktor sa Total Eradication Dangerous Drug (TEDD) board sa siyudad nga gikahinabi sa Banat News mipadayag sa pag-abag sa kapolisan.

Matud pa niya nga si Mandaue City Police Director Eduardo Catabas ang ilang ikauban sa mga sakop sa Mandaue City Chamber of Commerce and Industry (MCCCI) alang sa kampanya sa pagsumpo sa ilegal nga drugas ning subling pagpakusog sa kampanya batok sa drogas karong tuig.