Sumala pa ni Senior Petty Officer 3 Faustino Pepito sa Philippine Coastguard Station-Cebu sa pakighinabi sa Banat News nga nag-overheat ra ang tuong makina sa maong barko.
Base sa mga report nga nanggula sa radyo pipila sa mga pasahero ang misuot na og mga life jackets ug misaka ngadto sa ibabaw sa kabalakang modako ang sunog.
Miggikan ang maong barko pasado alas 6 na sa gabii ug pag-abot sa kadagatan tungod sa lungsod sa Sogod pasado alas 9, gikatahong diha na mabantayi sa mga pasahero ang bagang aso nga miputos sa ilang gikahimutangan.
Ang mga tripulante nakigkumbate sa tinubdan sa maong aso hangtud napawong kini dangtan og gibana-banang 30 minutos, human sa pagkapawong sa kalayo mimando ang kapitan sa pagbalik sa Sugbu.
Si Lilibeth Tabañag sa Trans Asia Shipping Lines mipadangat og pagpangayo og pasaylo ngadto sa mga pasahero ug mga kabanay sa 166 ka mga pasahero gumikan sa kahasol ug kabalaka sa insidente.
Hinuon ang ubang mga pasaherong nabalik gihatud na sa Iloilo sakay sa MV Asia Malaysia sa milabay'ng adlaw.