7 ka tawo natipi sa aksidente sa M'daue

Mokabat gayod sa 27 ka tawo ang namatay sa aksidente sa sakyanan sa managlahing dapit sa dakbayan sa Mandaue sukad sa Enero hangtod sa Disyembre 2005.

Mao kini ang nasayran sa Banat News sa gihimong pakisusi kagahapon sa traffic section sa Mandaue City Police Office (MCP0) nga gipangulohan sa hepe niini nga si Chief Inspector Antonio del Fierro.

Base sa ilang natala nga aksidente sa maong tuig maoy nagpakita nga ang bulan sa Hunyo maoy labing daghang nahitabong aksidente sa sakyanan sa maong dakbayan nga mokabat sa 319 ka higayon.

Ang bulan sa Marso sa maong tuig maoy labing ubos usab og aksidente nga nahitabo nga mokabat lamang sa 260 ang natala niini.

Samtang ang labing daghang naangol sa aksidente sa sakyanan ang bulan sa Nobiyembre maoy labing daghan ug ang Septiyembre usab ang labing kubos niini.

Si Chief Inspector Del Fierro miingon nga labing gikinahanglan gayod sa mga drayber ang pag-amping sa pagmaneho sa paglikay sa aksidente.