Nalandig sa tambalanan ang biktimang si Amilyn Ferrater, 25, minyo dihang napusilan kini sa iyang banang si Felipe Ferrater, 32, sumala pa sa alegasyon sa anak sa duha.
Matud pa ni SPO1 Estanley Canoy sa Cebu Provincial Police Office sa pakighinabi sa Banat News kalit lang nakadungog og buto sa armas ang biktima dayong panakit sa likod niini.
Si PO2 Catalino Ricablanca sa Samboan police station pakighinabi sa Banat News nagkanayon nga dugay ng nagtago ang suspek kaniadto pa human niini patya ang amahan sa iyang asawa ug miangol usab sa iyang asawa niadtong tungora dihang iya usab kining gipusil sa likod.
Matud pa ni Ricablanca dunay panagbangi ang pamilya sa biktima ngadto sa suspek maong nahitabo ang pagpatay sa iyang ugangan ug pagpusil usab sa asawa niining si Amilyn apan si Amilyn nasalbar ug maoy nahimong testigo batok sa suspek.
Human mogawas ang warrant of arrest sa suspek sa kasong murder ug frustrated parricide nagtago-tago na ang suspek sa kabukiran sa Samboan, sumala pa nga nanganti pa ang suspek nga anha lang siya motahan sa kapolisan kun mapatay na niya ang iyang asawa.
Ang biktima daling gidala sa tambalanan sa iyang mga kabanay ug naa na sa luwas nga kahimtang sumala pa sa mga polis.