Manumpa na si Loot sa Crame

Manumpa na ugma sa buntag didto sa Kampo Crame ang hepe sa Cebu Police Provincial Office, Supt. Vicente Loot nunot sa iyang promosyon isip police senior superintendent.

Uban kang Loot nga manumpa ang 161 ka police senior superintendent lukop nasud diin lima niini gikan sa Central Visayas nga sila si Sr. Supt. Agustin Lloveras, Jr., ang deputy director for operation sa CPPO; Sr. Supt. Carmelo Valmoria, hepe sa regional operations group; Sr. Supt. Rodel Calungsod, director for regional headquarters service group, Sr. Supt. Arturo Evangelista, hepe sa kapolisan sa lalawigan sa Bohol ug Sr. Supt. Edgar Saliganan sa regional internal affairs service sa Police Regional Office 7.