Ang napusilan mao si Bobby Ampaso, 30 anyos, minyo nga lumad nga taga Madalom, Lanao del Sur ug temporaryong nagpuyo sa nahisgotang dapit.
Sumala pa ni PO3 Dioscoro Arong sa pakighinabi sa Banat News dunay nanawag sa ilang buhatan kalabot sa presensya sa usa ka armadong lalaki nga nagtak-in og armas diha sa maong dapit.
Miresponde ang Homicide Section, Criminal Intelligence Section ug Special Weapons and Tactics (SWAT) ug sila si PO3 Jacinto Mandal ug PO2 Joemar Ybanez maoy miduol sa suspek kinsa nagbarog diha atubangan sa kapilya.
Apan imbes nga motahan giingong mibunot kini og armas dayong gipusil ang duha ka polis upat ka higayon nga dali usab nakahapa sa yuta hinungdan nga nabawsan sa kiting si Ampaso.
Dihang modagan unta kini padulong mo-ikyas nausban siyag pusil sa mga back-up diha gihapon sa tiil hinungdan nga nadakpan kini. Daling gidala sa tambalanan si Ampaso gumikan sa tulo ka samad diha sa walang tiil ug usa sa tuong tiil.
Nasakmit nila ni Mandal ang armas nga kalibre 45 ni Ampaso ug kasamtangan pang gikompirmar ang giingong pagka-opisyal niini sa rebeldeng grupo sanglit giingong kapitan kini sa maong pundok.