Anak miunay'g pusil sa papa

Anak miunay og pusil ug bun-og sa amahan dihang kini wala hatagi og kuwarta kagahapon sa buntag diha sa Barangay Tangke dakbayan sa Talisay.

Ang biktima nga si Celso Fernandez residente sa maong barangay nakaangkon og usa ka samad pinusilan sa iyang bat-ang ug mihubag ang walang apapangig niini tungod kay gibunalan sa iyang anak. Dali kining gidala sa Talisay District Hospital, apan gibalhin kini diha sa Vicente Sotto Memorial Medical Center.

Ang suspetsado mao si Ranile Fernandez, hingkod ang panuigon, residente usab sa nahisgutang lugar kinsa miikyas human sa maong hitabo.

Base sa imbestigasyon sa kapolisan sa Talisay nga si Ranile nangayo og kuwarta sa iyang amahan sa wala pa mahitabo ang insidente hangtod misangpot sa panaglalis.

Gibunalan ni Ranile sa apapangig ang amahan ug gipusil.