Si Konsehal Wenceslao Gakit nga maoy chairman sa committee on budget and appropriation mao usab ang nagduso sa maong resolusyon atol sa katapusang regular session niining tuiga nga ilang gipahigayon niadtong miaging Martes.
Ang maong resolusyon nga giaprobahan sa tanang sakop sa konseho naghatag og pagtugot kang Mayor Thadeo Ouano sa pagpagawas sa maong salapi aron kahatagan og extra cash gift ang mga opisyal ug empleyado sa dakbayan nga balor og usa ka bulan nga suweldo.
Ang mga traffic enforcer sa Traffic Effeciency Development and Management (TEDMAN) makadawat og P6,000 ug P5,000 ang madawat sa casual ug program nga empleyado, P3,000 alang sa Clean and Green Workers ug P1,000 usab ang madawat sa matag Barangay Health Worker sa dakbayan.