Nahitabo ang aksidente ala 1 pasado ang takna sa miaging kaadlawon sa national road sa barangay Ibo, dakbayan sa Lapu-Lapu.
Ang namatay mao si Glenn Ponce Ybañez, 28 anyos, minyo nga taga Lower Malibu, barangay Subangdaku, siyudad sa Mandaue.
Samtang ang nangaangol nga mga backrider mao sila si Joseph Dabatos Villahermosa, 22 anyos ug Raul Mayor, hingkod ang panuigon, minyo ug pulos taga Tipolo, siyudad sa Mandaaue.
Si SPO1 Rogelio Trinidad sa traffic section sa kapolisan miingon nga nagpaingon sa barangay Mactan ang motorsiklo nga gimaneho sa namatay.
Matud pa niya nga tungod sa kusog kaayong nagdagan ang motorsiklo nga gidala sa namatay hangtod nga nawad-an kini sa kontrol ug nabangga sa railing nga puthaw.
Si SPO1 Trinidad midugang nga tungod sa kusog nga impact, ang ulo sa biktima napakong sa railing ug nalagpot usab sa unahan ang duha niini ka backrider nga lalaki.
Matud pa ni Trinidad nga dali nga gidala sa Mactan Doctor's Hospital sa maong dakbayan ang mga naangol nga backrider.