PESO mipalapad sa ayuda

Southern Leyte - Gipalapdan karon sa mga opisyal sa Public Employment Service Office kon PESO nga nagbase ning probinsya ang ilang pagtabang ngadto sa mga mulopyo nga walay mga trabaho.

Nakita sa kadagkuan sa PESO nga sa sitwasyon sa pagka karon kinahanglan gayud kaayo nga kahatagan og ayuda kadtong mga walay trabaho.

Kadaghanan niini kadtong bag-o lang migradwar sa nagkalain-laing mga kurso sa kolehiyo.

Gawas sa trabaho nga lokal gipaningkamotan usab sa mga opisyal sa PESO nga matabangan sila nga makasulod og trabaho ilabi na gayud alang sa laing nasud.

Si Norman Ordiz, hepe sa PESO ning probinsya mipasabot nga ang iyang buhatan hingpit usab kaayo nga nakig-alayon sa Department of Labor and Employment kon DOLE ingon man sa Philippine Overseas and Employment Administration kon POEA.

Dako ang pagtuo ni Ordiz nga pinaagi sa ilang gihimong lakang maseguro nga walay mga aplikante nga mabiktima sa mga mangingilad ilabi na gayud niadtong nagtanyag og trabaho apan walay permisio gikan sa DOLE ingon man sa POEA