Gipahigayun sa Sugbo sa niaging adlaw ang usa ka human rights dialogue mahitungod sa death penalty ug restorative justice nga gipasiugdahan sa EU ug CHR.
Matud pa ni Jan de Kok, head of mission sa EU Delegation, nga ang Pilipinas nagpakita og maayong rekord sa international convention on human rights.
Kini ang hinungdan nga ilang gilusad ang kampanya tumong sa pagwagtang sa balaud sa silot sa kamatayon.
Giklaro ni Kok nga dili sulbad sa kriminalidad ang maong silot gumikan sa mga sayop usab sa sistema sa hustisya.
Matud pa ni Kok nga human sa maong dialogue, mohimo og rekomendasyon ang EU ngadto sa Kongreso sa Pilipinas ug sa Malacañang labot sa ilang argumento nga wagtangon ang death penalty law.
Gipaminaw usab atol sa dialogue ang argumento sa ubang pondok sama sa Crusade Against Violence, Public Attorney's Office, Task Force Detainees of the Philippines, mga abogado ug ang publiko.