Gitiwasan sa ulo patay

Milayat dihang napusilan sa buko-buko apan pagtugpa gitiwasan sa ulo patay ang usa ka lalaking giingong "bagsik-bagsik" sa ilang lugar dihang gisulong sa silingang gituohang buot makabalos kaniya kagahapon sa buntag diha sa dalan Paradise Sitio Kamusliman barangay Kinasang-an ning dakbayan.

Giila ang biktima mao si Felix Sultan alyas Dodong Muslim,32, lumd nga taga Marawi City ug kasamtangang nagpuyo sa naasoyng dapit, samtang ang suspek naila lang sa ngalan nga "Musa" silingan ra sa biktima.

Sumala pa ni SPO3 Alex Dacua sa Homicide Section ang biktima kasamtangang nagkaon og pamahaw uban sa iyang kapuyong si Jocelyn Magsukana dihang kalit nga miabot ang suspek dala ang usa ka gituohang kalibre 38 rebolber.

Walay daghang pangutana gipusil sa suspek si Sultan diha sa buko-buko,bisan samaran milayat ang biktima aron unta moikyas apan nahagba kini ug diha-diha giusban sa ulo patay.

Human sa insidente daling miikyas ang suspek palayo sa maong dapit.

Si Dacua nagkanayon nga posibleng nakabingkil niini ang suspek maong kini gisulong ug gipanimaslan