Giila ni SPO4 Rica Aying sa Carbon Police ang suspek nga si Kimberly Garcia,hingkod ang panuigon, dalaga ug kasamtangang nagpuyo diha sa barangay Ermita ning dakbayan.
Sumala pa ni Aying ang batang si Jessa gibilin sa amahan niining si Edgar Aro,46, diha sa suspek kay duna kini gimbuhaton niadtong milabay'ng gabii.
Giingong naanad na ang amahan sa bata nga si Garcia maoy moatiman ug mobantay sa bata. Gani si Garcia ang mohungit sa pagkaon sa bata kun wala ang amahan niini.
Apan niadtong pag-abot sa amahan diha sa ilang balay wala niini maabti ang anak ug ingon man ang suspek maong gipangita niya kini hangtud nga naabot siya'g pangita ngadto sa barangay Pasil ning dakbayan.
Didto nalang niya naabtan ang suspek sa usa ka tindahan sa Pasil diin ibilin unta ang bata.
Matud pa ni Aying nga ang bilinan sa bata nga tindahan gihulaman pa sa suspek og P100 kay pakigkitaan niini ang "buyer" nga mopalit sa bata sa kantidad nga P5,000.
Apan gidemalas ang suspek kay miabot ang amahan sa bata ug gidakop si Garcia.Si PO1 Mercy Beliaro sa Family Gender Juvenile Sensitivity Section sa Cebu City Police Office sa pakighinabi sa Banat News nagkanayon nga kasong child trafficking ang ilang ipasaka batok sa suspek.