Ang nagpinusilay mao sila si Al Villanueva, 35-anyos, kinsa nakaangkon og samad pinusilan sa iyang walang hawak ug tiyan ug Tirso Lucero, 40, nakaangkon og samad pinusilan sa iyang walang bukton, walang dughan ug walang kumingking.
Ang duha daling gidala sa Vicente Sotto Memorial Medical Center niining dakbayan.
Matud pa ni SPO2 Pascual Mendoza nga si Villanueva mipasangil ni Lucero diin aduna kini usa ka kauban miagi diha sa karsada duol sa ilang balay kinsa usa niini ang mipusil sa iyang iro nga nagpaghot.
Si Lucero nagkanayon nga uban siya sa iyang igsuon nga si Juan nga miagi diha duol sa balay ni Villanueva.
Isog kaayong nagpaghot ang iro ni Villanueva hinungdan nga ila kining gilabay og bato hinungdan sa kasuko ni Villanueva unya gisita sila ug gipusil.
Si Mendoza midungag nga giilog ni Lucero ang pusil ni Villanueva ug mibawos kini sa pagpamusil.
Ang kapolisan sa Carmen mipahigayon og follow-up sa maong hitabo.