Ulitawo nangaplag trabaho nakasugat hinuo'g kamatayon.

Pakyas ang usa ka ulitawong taga probinsya nga makakita og trabaho dinhi sa dakbayan dihang kamatayon hinuon ang nakaplagan niini dinhi sa siyudad diha mismo duol sa gipuy-an sa iyang igsuon sa Sitio Tabay, Barangay Carreta ning dakbayan.

Wala na matabang ang biktimang si Roquilito Lubon, 25, ulitawo, gumikan sa samad pinusilan sa iyang baba,liog ug tiyan human siya pusila sa wala pa mailhing mga mamumuno.

Sumala pa ni PO3 Bobby Escarlan sa pakighinabi sa Banat News ang biktima niadtong Domingo pa miabot gikan sa barangay Maño, sa San Remegio aron unta mangitag trabaho karong semanaha dinhi sa dakbayan.

Apan niadtong Domingo sa gabii nakugang na lang ang mga kabanay sa biktima dihang nagpaka-paka ang buto sa armas dili layo sa ilang balay maong gidalig susi sa igsuon sa biktima nga si Roquito ang gawas.

Diha na lang nila nakit-ing nagbuy-od sa yuta ang iyang manghod ug nagkadugo ang nawong niini. Dali nilang gidala ang biktima sa Cebu City Medical Center apan gideklarar kining dead on arrival.

Gisubay pa karon sa Homicide Section ang motibo sa pagpamusil.