Tomas vs konseho nagkainit

Lain na usab pagsaway gikan kang Mayor Tomas Osmeña ang nadawat sa konseho sa dakbayan human mipasangil ang mayor nga wala molihok sa iyang tax rate proposal ngadto sa pribadong tunghaan ug hospital.

Ang mayor miduso nga pamenusan ang kasamtangang 2.5 porsiyento ngadto na sa .75 porsiyento gikan sa ilang gross income tungod usab sa mga reklamo sa mga administrador sa maong sektor.

"There seems to be no action on tax rate for schools and hospital. And the council just left it to Pesquera," sumala pa ni Osmeña ngadto sa mga sakop sa media niadtong Biyernes sa hapon.

Base sa kasamtangang Omnibus Tax Code sa dakbayan, ang mga tunghaan ug tambalanan nasakop sa Section 14, nga nag-ingon: " On any business not otherwise specified under the preceding sections, a percentage tax of two and one-half percent of the gross receipts of the preceding calendar year shall be collected."

Si Osmeña nagkanayon nga ang 2.5 porsiyento taas kaayo gani pipila kanila ang mitiyabaw na niini ug kini maoy dili buot nga mahitabo sa mayor.

Niadto pang tuig 2000 miaprubar ang dakbayan nga kolektahan og 2.5 porsiyentong business tax ang mga tunghaan ug tambalanan apan ning tuiga lang kini sugdang kolektahon, apan giangkon sa dakbayan nga naglisod sila pagkolekta niini gumikan sa rason nga wala sila kahibalong duna diay silay bayrunong susama niini isip mga institusyon sa edukasyon ug tambalanan.

Sa iyang bahin si Konsehal Jocelyn Pesquera ang chairman sa Committee on budget and finance sa konseho misang-at sa iyang gitinguhang "amendatory ordinance" sa kasamtangang Omnibus Tax Ordinance.

Kini mao ang pagmando nga dili maka-operate ang mga tambalanan ug tunghaan kung wala makabayad sa ilang tinuig nga buhisan. Kini matugutan ang iyang gipropones nga ordinansa ang matag tunghaan ug tambalanan nga dunay abot nga P50 milyones pabayron lang og P1.25 milyones sa business tax imbes nga kadtong gimando nga 2.5 porsiyentong buhis. Kasamtangan pa karong gitun-an sa committee on budget and finance vice-chair ang amendatory ordinance ni Pesquera.-Edwin Ian Melecio gikan sa The Freeman