Seaman gisuyaan gipusil

Usa ka seaman nga gikasuyaan wala hiilhing kustomer sa karaokehan ang gipusil sa ulo sa sulod sa pansayan apan nakahupo ug natapsingan ra ang ulo niini.

Ang pagpamusil nahitabo kagahapon sa kaadlawon diha sa usa ka bar sa Arcade Building sa dalan Punta Rizal, Pajo, siyudad sa Lapu-Lapu.

Si Jenner Rosos, 24 anyos, ulitawo nga nagpuyo sa sitio Langob sa barangay Poblacion, siyudad sa Lapu-Lapu dali nga gihatod sa Mactan Doctors Community Hospital sa dakbayan sa Lapu-Lapu.

Ang nagpusil nga igo lang nga nailhan sa kapolisan nga "Cal" sumala pa ni Rolito Jumao-as sa homicide section.

Dihang nakahuman ang biktima pagpangihi, sumbohan sa armas maoy misugat niya naatol sad sa pagbuto ang paghupo niya sa biktima maong natapsingan ang ulo niini.

Diha-diha gilayog sa biktima ang suspetsado apan nakapabuto kini pag-usab og naigo ang bitiis ni Rosos.

Hinuon nalagpot ang 9mm pistola sa suspek ug wala na niya kini balika.