Ang hepe sa SSG,Supt. Mariano Natuel misaad nga dunay himuong imbestigasyon kang SPO1 Judito Llena kun unsay hinungdan sa hitabo ug morekomendar og posibleng silot kun gikinahanglan.
Gisaway ni Natuel ang nakitang lapso ni Llena sa paagi niini pagdala sa iyang kalibre 45 nga pistola nga gibutang lang sa bulsa samtang naa sa opisina nga naghikay sa usa ka opisyal nga gimbuhaton.
"We are trained by the city government on firearms proficiency. Nganong gibutang man lang niya sa bulsa? Duna gyuy lapses gamay kay luag gud nang bulsa anang shorts. You are not suppose to place your gun sa bulsa," asoy pa ni Natuel.
Si SPO3 Gualberto Fuentes ang duty investigator kinsa kasamtangang nag-type sa physical fitness program differential ni Llena misaad nga modagkot og usa ka kandila sa Sto.Niño Basilica aron pagpasalamat sa ikaduhang kinabuhi.
Usa ra ka metro ang gilay-on ni Fuentes sa giig-an sa bala diha sa locker nga kahoy una pa kini motalipsay padulong sa kisame.Kasamtangang nagtarong sa iyang liston sa sapatos si Llena dihang mibuto ang pusil niini.
Nunot niini si Natuel mipadis-arma ni Llena sa iyang armas samtang giandam na ang imbestigasyon sa kaso.