Patay diha-diha ang biktimang si Christopher Gilig Nuñez, 20, ulitawo ug molupyo sa Sitio Ibabao Barangay Agus sa samang dakbayan ug samdan usab ang iyang uyab nga si Athena Borja Ochea,17, molupyo sa maong barangay.
Sumala pa sa imbestigasyon sa Lapu-Lapu Police Homicide Section upat ka wala mailhing mga lalaki ang miduol sa manag-uyab nga diha mag-date duol sa usa ka lim-aw 200 metros gikan sa panimalay sa babaye.
Gikatahong usa sa upat ka mga suspek ang kalit nga midul-it og pusil sa biktima sa walay igong hinungdan diin ang bala niini milapos ngadto sa lawas sa babaye.
Gumikan sa grabeng pagkaigo sa tuong kilid nga milapos ngadto sa walang bahin sa lawas namatay gyud dayon si Nuñez ug ang bala nga mipatay kaniya mao say miangol kang Ochea kinsa naigo usab sa kilid.
Human sa insidente daling nangikyas palayo ang mga suspek. Nakuha sa kapolisan ang usa ka bullcap, usa ka basiyo sa bala sa kalibre .9 mm ug tsinelas diha sa crime scene. Gihimuan na og dugang imbestigasyon sa kapolisan Lapu-Lapu ang posibleng motibo sa pagpamusil