Konsehal namusil

Napahak ang ulo sa usa ka 26-anyos nga lalaki human pusila gamit ang .22 kalibre nga air gun riffle sa konsehal sa Sityo Santa Cruz barangay Candugay lungsod sa Barili niadtong Lunes sa gabii.

Si konsehal Nicolas Dandan, 60 anyos, napahakan usab kini sa ulo tungod kay gilabay og sanggot ni Rodigondo Pason ulitawo residente sa maong lugar nga gidala sa Barili District Hospital.

Matud pa ni SPO3 Edward Villaester alert team leader sa kapolisan sa Barili nga si Pason nanamparos og bata diha sa ilang lugar hinungdan nga gihusay ni Dandan ang maong insidente.

Human sa husay mipauli si Dandan dala ang naghisgutang pusil nga gigamit sa pagpamusil niini og iro sa wala pa mahitabo ang husay.

Gikatahong gisundan ni Pason si Dandan og kalit kining gilabay sa sanggot nga gibitbit diin ang tangkugo unta niini ang maigo kung wala pa makahupo.

Mibawos si Dandan gamit ang gidalang debomba ug swerte nga tapsing lang sa ulo ang igo niini.