Matud pa ni SPO2 Rex Menchavez desk officer sa Catmon police nga ang nahisgutang sunog nagsugod mga alas 9:30 sa buntag apan mga alas 9:50 na nila nadawat ang alarma ug gipaubos kini sa general alarm tungod kay kusog kaayo ang hangin ug ang mga dapat sa ubang mga balay nga nasunog mga gaay nga materyales.
Ang nahisgutang sunog nag-una sa taas nga bahin sa balay ni Oscar Nuñeza usa ka retired public school teacher.
Ang ibabaw nga bahin sa balay ni Nuñeza gigama kini sa gaay nga materyales hinungdan nga dali kaayong mikuyanap ang kalayo.
Si Menchavez nagkanayon nga ang kabomberohan sa Sogod, Danao, Lilo-an, Bogo ug Compostela ang mialarma sa maong sunog tungod kay wala may fire station ang ilang lungsod.
Ang mga biktima sa sunog temporaryo nga gipapuyo sa PASIC building kilid sa simbahan sa maong lugar diin si Mayor Estrilla Aribal, disaster council ug ang Departmant of Social Welfare (DSWD) sa maong lungsod mihatag na og hinabang sa mga bikitma.