Daghang nagplano sa pamilya sa Central Visayas

Ang Central Visayas adunay taas nga porsiyento nga naggamit og family planning method, base sa Family Planning Survey (FPS) sa 2004.

Base sa survey 96.7 porsiyento ang migamit og family planning method sa Central Visayas.

Ang contraceptive pills maoy nag-unang method nga gigamit para sa family planning.

Diin sa tibook Pilipinas miabot sa 15.6 porsiyento ang naggamit niini ug 10.1 porsyento ang migamit sa Central Visayas base sa FPS.

Apan matud pa sa Commission on Population (POPCOM) nga ang nasud wala nay nadawat nga hinabang karon nga mga contraceptive pills gikan sa U.S.

Misunod ang female sterilization nga dunay 9.4 porsiyento ang rating sa tibook Pilipinas ug 7.1% sa Central Visayas, dayon ang calendar o rhythm diin adunay 6.9 % sa tibook Pilipinas ug 12.4 porsiyento sa Central Visayas, sunod ang withdrawal nga dunay 6.8 porsiyento sa tibook Pilipinas ug 5.3 porsiyento sa Central Visayas, IUD 3.9 porsiyento sa tibook Pilipinas ug 7.2 porsiyento sa Central Visayas, male condom 2.1% sa tibook Pilipinas, 3.4 sa Central Visayas dayon ang injectables nga dunay 3.6porsiyento sa Pilipinas ug 1.8% sa Central Visayas.