Ang nahisgotang bangga adunay duha ka kategoriya nga mao ang open category ug Inasal base category.
Ang open category mga hulagway nga nagpakita og "exciting events ug human interest" diin ang mga misalmot niini mokuha og mga hulagway sa rota sa Inasal Festival ug mga kalihokan sa pista sa siyudad niadtong petsa uno hangtod 16 niining buwana.
Adunay siyam ka buok ang misalmot niini lakip na ang laing photographer sa The Freeman / Banat News nga si Paul Rosaroso ug si Vincie Monterde sa Sun Star Super Balita.
Ang Inasal Festival base category mga hulagway nga gikuha atol sa gipahigayong grand parade sa Inasal Kumbira niadtong petsa kinse niining buwana.
Ug pito ka contest ang misalmot sa maong kategoriya.
Si Torrejos misalmot sa Inasal base category ug ang nakadawat sa una ika-tulong ganti mao si Robert Riethmuellller.
Si Torrejos midaog usab sa gipahigayong Mantaw Festival photo contest niadtong buwan sa Mayo niining tuiga diin siya maoy nakakuha sa unang ganti.
Ang tulo ka napiling mananaog makadawat og salaping ganti nga P7,000.00, P5,000.00 ug P3,000.00.
Ang napiling tulo ka mananaog sa open category mao sila si Aldo Nelbert Banaynal, Jeamarie Lorico ug Julius Tabliga diin ang makadawat usab sila og salaping ganti nga pareha sa Inasal base category.
Kagahapon sa hapon gipahigayon ang paghatag og award sa tanang mga mananaog diha sa people's hall sa city hall sa siyudad.
Ang nahisgotang photo contest bukas sa tanang photographer amateur ug professional diin ang tema niini mao ang "Bahanding Talisaynon: Ugmaon ug Palambuon".
Ang mga hurado sa maong bangga mao sila si konsehal Shirley Belleza tsirman sa Tourism Heritage and Historical Affair ug maoy nagpasiugda sa labing una nga Inasal Festival sa siyudad, Doktora Edna Tan ug Jason Candia staff ni bise mayor Aberdovey Belleza ug maoy designer sa float sa Talisay Aqua City Gun Club nga midaog sa NGO division sa bangga sa float sa Inasal Festival.