Polis nabun-og atol sa demolisyon sa Asinan

Nakabaton gayod og bun-og sa tuong bitiis ang usa ka sakop sa kapolisan sa vice squad section sa Mandaue City Police Office (MCP0) human kini maigo sa gilabay nga bato atol sa demolisyon sa mga payag-payag nga gibutangan og tangkal sa baboy.

Ang gibungkag nga mga payag-payag nga gibutangan usab og tangkal sa mga baboy nahimutang sa sitio Asinan sa barangay Mantuyong, siyudad sa Mandaue.

Si SP01 Dante Lopez sa kapolisan sa nahisgotang dakbayan usa sa mga mikuyog sa pagpanalipod sa sakop sa mga anti squating team nga mibungkag sa maong mga payag-payag kalit lang naigo ang tiil sa nahagsa nga bato.

Dali nga gihatod si SP01 Lopez sa tambalanan ug padayon pa karon nga nagpaalim sa mga bun-og nga ilang naangkon.

Napakyas gayod ang mga polis sa pag-ila sa tawo nga naglabay og batok nga nakaigo ni SPO1 Lopez.

Sa nasayran ang maong luna nga gipahawanan ni Mayor Thadeo Ouano ang malakip usab sa mga luna nga gitinguhang matigayon usab ang pagpalapad sa mga stall nga pahilunaan niini.