Polis nangayo'g sigarilyo panihapon sa dinakpan; l babayeng suspetsadong pusher nakauli sa balay

Usa ka dinakpan nga babaye tungod sa pagpayuhot og drugas miangkong gipangayuan og usa ka kaha nga sigarilyo ug panihapon sa polis nga nagbantay sa presinto.

Kini aron lang makauli ang dinakpang babaye sa ilang balay sa Sitio Mananga, Tabunok, Talisay niadtong Domingo.

Si Flor Saldua mitug-an ngadto sa mga tigbalita nga misugot si SPO3 Celso Lopez nga makauli siya sa iyang balay bugti ang paghatag og usa ka kaha nga sigarilyo ug panihapon nga iyang gisaad nga dad-on ini'g balik sa substation nga nahimutang sa Talisay City Hall sa Lawaan.

Apan tungod kay wala siya makahunahuna og balik sa substation, gisikop si Saldua nilang SPO3 Ricardo Echavez ug PO3 Renato Abellar.

Si Saldua nasikop uban ang usa ka Rodulfo Derce, 54, atol sa buy-bust operation sa Sitio Mananga. Silang duha nakuhaan og duha ka pakete sa gituohang shabu.

Ang Banat News misulay apan napakyas pagkuha sa pamahayag ni Lopez.