IUD ipa-ban sa Abay Pamilya

Miduso og petisyon ang Abay Pamilya partylist ug Human Life International ngadto sa Department of Health (DOH) aron ipa-ban ang paggamit sa Intrauterine Device (IUD) ngadto sa mga asawa.

Nasayran nga ang IUD usa kini ka kahimanan o paagi aron makontrolar ang pagsabak sa ginang.

Apan matud ni Dr. Rene Josef Bullecer sa Human Life International nga miduso sila sa maong petisyon human masuta nga maka-abort sa gisabak nga bata ang IUD ug makahatag usab kini ug peligro ngadto sa panglawas sa usa ka babaye nga mogamit niini.

Ang maong petisyon giduso sa maong kahugpungan ngadto ni DOH Secretary Francisco Duque niadtong petsa 7 niining bulana.