Kampanya vs. abuso

Tacloban City - Giawhag ni Secretary Luwalhati Pablo sa Department of Social Welfare and Development ang mga opisyal lokal ning dakbayan ingon man ang pribadong sektor sa paghiusa alang sa hingusog nga kampanya batok sa bisan unsang matang sa pagpangabuso.

Si Secretary Pablo nga miduaw ning dakbayan sa miaging adlaw miingon nga ang kalamposan sa kampanya sa kagamhanan mag-agad usab sa suporta sa katawhan.

Gibutyag ni Pablo nga sa pagka karon sila mihingusog sa kampanya batok niini human makita nga nagsaka ang kaso batok niini.

Masaligon hinoon si Pablo nga pinaagi sa pagpakabana sa mga opisyal lokal seguro siya nga magmalampuson gayod ang ilang kampanya.

Laing gihagit ni Pablo nga mutabang sa maong kampanya mao ang mga sakop sa media.

Kini human niya masayri nga adunay mga kaso nga pagpangabuso sa kabataan nga unang mahibaw-an sa mga sakop sa media.