Turista gipangandaman

Tagbilaran City - Gipangandaman na karon sa mga opisyal ning dakbayan ingon man sa mga opisyal sa tibuok probinsya sa Bohol ang pagdaghan sa mga turista nga muduaw ilabi na gayod sa mga hapon.

Si Gobernador Erico Aumentado miingon nga gikan sa buwan sa Oktobre ngadto na sa buwan sa Enero maoy sagad nga ibisita sa mga turistang Hapon.

Matod pa ni Aumentado nga matag lungsod nga adunay mga maanindot nga lugar nga sagad duawon sa mga turista kinahanglan gayud mabantayan.

Gipasabot ni Aumentado nga dakong gimbuhaton kini sa kapolisan.

Hinoon ang Tourist Police aktibo karon sa isla nga lungsod sa Panglao.

Gani usa man si Secretary Joseph Ace Durano sa Department of Tourism nga midayeg sa tourist police nga naglihok karon sa probinsya sa Bohol.