Ang namatay mao si Agustin Cimafranca Susada,49, minyo ug molupyo sa maong dapit. Samtang mitahan sa kapolisan ang magsuong suspek nga sila si Ignacio, 50, ug Adonis Susada Flores ,25.
Sumala pa ni PO2 Jose Jamero sa Sibonga Police nga parehong nag-inom ang mga suspek ug biktima apan dihang nahubog ang biktima gikatahong nagmaoy kini ug nakiglalis kang Ignacio.
Matud pa nga unang nanigbas ang biktima ginamit ang kutsilyo diin naigo ang ulo ni Ignacio ug walang tiil, si Adonis kinsa nagbunot og lubi nga nakakita sa nahitabo sa maguwang daling mitabang aron ilugon ang kutsilyo apan siya hinuoy gidunggab diha sa tuong kamot.
Gumikan niini mikuha si Ignacio og bato dayong hapak niini sa ulo sa biktima kinsa nahagba sa yuta nianang tungura nakakuha na ang magsuon og lipak sa kahoy nga gemelina ug gitabangan og bunal ang naghigdang biktima.
Patay na dihang gilung-an sa managsuon ang biktima. Ang mga suspek parehong mitahan sa kapolisan ug daling gidala si Ignacio sa tambalanan gumikan sa mga samad niini.